يا من أحببني وبذل ذاتة عني
يا من أهنت وصلبت لاجلي
مش هقدر أقول كلام يكفيك
ولا اشعار تليق بيك
انت الحياة والمحبة والامان وانت الخلاص
صرخة من حبيبي نالنا خلاص
صرخة من حبيبي غفرخطايا كل الناس
صرخة من حبيبي نسينا هموم كل الناس
صرخة من حبيبي عرفنا السلام والاخلاص
صرخت انت صرخة الانتصار وقولت قد اكمل بكل اصرار
وقتها اتغير الحال وصار العبد محرر والابن الخاطي مغفور لية خطاياة وباب الهلاك اتبدد والسماء نورت وفتحت احضنها لكل التايبين
صرخة من حبيبي ثمنها غالي عليا نلت بيها خلاص وفداء وراحت عني كل ازية
فعلا هكذا احب اللة العالم حتي بذل ابنة الوحيد
ما اعظمك يا يسوع
بعيد عنك الكل حزين بعيد عنك يكون حيران
علشان كدة
لما تحس انك تعبان وقلبك في حزنوا غرقان او مكسور ولما دموعك تملا عنيك
ولما تحس انك مهموم حيران زهقان
ارفع ايدك وبص لفوق عند يسوع كلمة هو بيسمع صوت انينك ويرد عليك
ويقولك ابني الحبيب وبنتي الحبيبة انا سامعك وشايف وعلي كفي نقشتك
صدقني لو كنت مش لاقي راحتك كويس روح دلوقتي بجد صلي هيسمعك وتوب هيقبلك
اطلبوا الرحمة هيرحمكم لانة قال
اطلبوا تجدوا اقرعوا يفتح لكم
وكمان قال
تعالوا الي يا جميع المتعبين والثقيلي الاحمال وانا اريحكم
صدقوني عنيا دمعت وانا بكتب الكلام دة
مش علشان صعبت عليا نفسي لالالا
لكن علشان ضعيف ايوة متستغربوش ضعيف
ضعيف لما ادايق يسوع
ضعيف لما انسئ حبة ولو ساعة
ضعيف لما كنت خايف وناسية
ضعيف لما افقد ثقتي بيسوع
لكن خلاااااااااااص راجع تاني اقوم
الصديق يسقط ويقوم
اقبلني تاني يارب
حينما انا ضعيف حينئذ انا قوي
فرحت تاني بجد لاني قوي جدا جدا بيسوع
قوي لما اتكل علية
قوي لما ارمي همومي علية وحياتي ملك لية
قوي لما تكون عنيا علية وهدفي في حياتي الاول ليسوع
راجعلك يارب راجعلك من قلبي تاني راجعلك
واثق انك هتقبلني ابن ليك
جدد فينا روحك القدوس وسامحني علي لحظات ضعفي وانا عارف انك هتقبلني مش انا بس لا هتقبل كل ولادك
من يقبل الي لا اخرجة خارجا
انت اطيب قلب وارحم قلب واعظم حب
انا كمان بحبك اوي اوي يارب
اشكرك علي حبك الكبير لاولادك كلهم
ابنك
اذكرني يارب متي جئت في ملكوتك
رسالة يسوع اليوم
السبت أغسطس 15, 2009 2:53 pm
